Un ano máis e inauguramos un novo curso no que seguiremos a loitanto por e para a nosa lingua e cultura galegas.
Dámosvos a benvida e animámosvos a participar connosco nas actividades propostas e tamén a que nos enviedes ideas, suxerencias,... e, como non, tamén podedes correxirnos.
2 sept 2011
5 jul 2011
GALIZA, PARAÍSO ESQUECIDO
Existiu un lugar
de verdes prados,
de verdes leiras.
Terras marabillosas,
terras que agora,
están baleiras.
Lugar sen tristeza,
lugar sen rancor,
lugar de beleza,
lugar de amor.
Ríos e regatos,
corrían por estas terras.
Terras que antes,
verdes montes eran.
Máis agora as árbores,
son edificios multicolores,
que non sei por qué,
a xente cre mellores.
Xente labradora,
xente aldeá,
xente que aquí habitaba,
e agora non está.
Este paraíso
aínda se pode recuperar
cando os soñadores morran,
este lugar morrerá.
Sandra Mella Ríos, 1º ESO
25 jun 2011
Daniel Varela gañador do certame de poesía MARÍA SOLIÑO
O noso alumnos Daniel Varela Gómez, de 3º de ESO ven de recibir o 1º premio do XXVII CERTAME DE POESÍA do IES Mariña Soliño de Cangas na categoría A, destinado ao alumnado de ESO, o segundo premio recaeu no instituto Valle Inclán de Pontevedra e o terceiro para o IES Xesús Taboada Chivite de Verín.
NORABOA DANIEL!!!!!!!!!!
Imaxe dos gañadores con algúns membros do xurado e o cacho de San Xoán.
Para ver a nota de prensa no Faro de Vigo, clica aquí.
15 jun 2011
Visitando o CEIP Fco. Vales Villamarín de Betanzos
O pasado 14 de xuño, os alumnos de Infantil e 1º ciclo de primaria visitaron o CEIP Fco. Vales Villamarín de Betanzos, un centro que conta case que con 900 alumnos. Durante ese día fixemos varias actividades cos alumnos de 6º de infantil: cantamos, bailamos, contáronnos cousas de Betanzos,... e mesmo nos tiñan organizada unha merendola. Foi un día inesquecible e esperamos repetir para o curso que vén.
1 jun 2011
III ROMARIA DAS LETRAS GALEGAS
O pasado 27 de maio vivimos unha xornada adicada á nosa lingua. Festexamos as Letras Galegas por todo o alto no campo da feira: cantamos, bailamos, recordamos a figura de Lois Pereiro e para rematar comida popular.
Este é o cartel gañador do concurso de carteis das Letras Galegas, feito por un grupo de alumnos de 6º de E.P
28 abr 2011
Recursos Lois Pereiro
Na páxina da Coordinadora Galega de ENDL existe á vosa disposición un monográfico especial adicado á figura e á obra de Lois Pereiro, autor homenaxeado no Día das Letras Galegas 2011. Nel, atoparedes unha escolma de recursos didácticos como actividades en liña, propostas de traballo para as aulas ou unha fonoteca e unha videoteca.
7 abr 2011
5 abr 2011
12 mar 2011
ENTROIDO DE CINE
O pasado 4 de marzo no CPI Ponte Carreira vivimos un entroido de cine.
Dende os máis pequenos ata os mestres fixemos unha homenaxe ao cine, disfrazándonos daqueles filmes que máis nos gustaron: Los Picapiedra, Shrek, Cazafantasmas, La naranja mecánica, El guardaespaldas,... e tamén nos achegamos ao mundo dos musicais da man dos mestres, que nos interpretaron un clásico: GREASE.
Do mesmo xeito, inauguramso a entrega dos nosos Pericáns (Oscars americanos) a aqueles grupos que mellor o fixeron.
No seguinte enlace podes ver máis fotos.
Dende os máis pequenos ata os mestres fixemos unha homenaxe ao cine, disfrazándonos daqueles filmes que máis nos gustaron: Los Picapiedra, Shrek, Cazafantasmas, La naranja mecánica, El guardaespaldas,... e tamén nos achegamos ao mundo dos musicais da man dos mestres, que nos interpretaron un clásico: GREASE.
Do mesmo xeito, inauguramso a entrega dos nosos Pericáns (Oscars americanos) a aqueles grupos que mellor o fixeron.
No seguinte enlace podes ver máis fotos.
Suscribirse a:
Entradas (Atom)