SORPRESA. BODA Á VISTA

SORPRESA. Hoxe pola mañá os nosos amigos tiñan unha sorpresa para nós. Que sería?

As invitacións da boda, menos mal que xa se decidiron porque pensar pensamos que desta aínda non ía. Aquí vos deixamos unha invitación para vós; pincha e verás.

ASÍ É O NOSO ENTROIDO

Son varias as actividades que temos preparadas para esta SEMANA DE ENTROIDO.



--ATILANA e --XAN PERICÁN


Polo momento, Xan Pericán e Atilana xa nos deron a benvida coas súas ordes para estas semana. O luns tocounos levar mandilón e pano na cabeza e o martes fomos de vaqueiros. O mércores puxemos garabata e gafas de sol. E mañá temos que ir COA CARA PINTADA. Aquí vos deixamos unhas fotos para que nos vexades.

O martes 17 daremos inicio a un obradoiro de caretas que se levará a cabo aos medio días, coa axuda de profesorado colaborador e no que, os nenos e nenas do colexio, poderán elaborar as caretas e antifaces como máis lles gusten.

E así pasaremos a semana, investigando tamén sobre a tradición do Entroido en Galicia. O venres festexarémolo. En infantil e primaria realizamos disfraces por grupos e en secundaria son libres; haber se este ano se animan máis que o ano pasado. Tamén disputaremos dous partidos (futbol e boleibol) entre alumnos e mestres e TEREMOS BODA, pois Atilana e Xan Pericán chegaron, por fin, a un acordo e decidiron casar o 20.02.09 e, por suposto, estamos todos invitados. Manterémosvos informados.

ENTROIDO

Ás portas está xa o Entroido, unha das festividades máis propias da nosa terra. No colexio estamos ultimando detalles para a nosa festa, que será o día 20. Estamos preparando os disfraces; este ano o tema é ANIMAIS DE AUGA, polo que teremos: pinguíns, estrelas de mar, tiburóns,... e mesmo sereíñas.

O noso Xan Pericán e a súa amiga Atilana xa estan listos para darnos ordes. Haber se se portan ben e non nos piden que levemos cousas raras.

Aquí vos deixamos dous enlaces a páxinas que contan con recursos interesantes para traballar estes días.

O ENTROIDO TRADICIONAL GALEGO

RECURSOS EDUCATIVOS PARA TRABALLAR NA AULA

NAMORÁNDONOS EN GALEGO

Co motivo do San Valentín ou Día dos Namorados e como ven sendo habitual por estas datas, organizamos en colaboración do Equipo de Biblioteca, un concurso de cartas de amor para o alumnado de E.S.O. e outro para Infantil e Primaria.
Ti tamén podes participar, deixando a túa carta a través dun comentario.



RECURSOS EDUCATIVOS PARA
SAN VALENTÍN

Vive en galego! Tes recursos

Aqui deixamos un documental emitido pola TVG sobre a opinión dos mozos galegos sobre a nosa lingua.

Usa a nosa lingua.

Vives en Galicia! Vive o galego!

Pincha na imaxe e terás acceso a moitos recursos na nosa lingua.

DÍA DA PAZ

A música, xunto coa palabra, é a mellor arma que podemos usar contra a paz.

Así que, na Ponte Carreira puxémonos mans á obra e organizamos varias actividades. Os alumnos membros do ENDL elaboraron un Power Point sobre a paz. Cada grupo leu o seu manifesto contra a paz; tamén o fixemos en inglés e francés. Representamos unha obra de teatro. Cantamos dúas cancións: Por qué no ser amigos? e No dudaría. Canxeamos un vale dunha arma por unha cunca de chiculate.
Ademáis, a nosa alumna Suadu, de orixe árabe, leunos un fermosos poema na súa lingua.

Aquí vos deixamos unha mostra do noso traballo, esperando que sexa do voso agrado.





Fotos variadas

Suadu lenos en árabe (en breve)

Deixámosvos tamén unha selección de cancións para a Paz.

Music Playlist at MixPod.com

O COLEXIO VÍSTESE DE FESTA

Estamos de Noraboa.
Un ano máis, os alumnos de Secundaria veñen de quedar finalistas no concurso do CORRELINGUA na modalidade de Manifesto.

Noraboa mozos. Vós merecédelo.
Grazas por defender a nosa lingua.

Aquí vos deixamos os traballos presentados por cada un dos grupos particpantes. Pincha nos enlaces de cada grupo e verás.

NADAL 2008

E, por fin, chegou o Nadal.

Na Ponte Carreira vivimos un NADAL MÁXICO.
Desde principios de decembro puxémonos mans á obra para ambientar o noso cole. Na entrada do mesmo, fixemos, como ben sendo habitual, o noso belén. Adornamos os corredores e aulas e os nenos de infantil fixeron un belén propio no seu corredor. Os nenos e tamén os mestres escribimos as nosas cartas de desexos para o 2009 aos Reis Magos.
O día 19 fixemos un festival no que contamos con varias actuacións dos nenos (dende os máis pequeniños de 3 anos ata os maiores de 16) e tamén dos mestres e gozamos coa visita das SS.MM. OS REIS MAGOS DE ORIENTE.

Se queres vivir connosco ese Nadal Máxico, pincha nos seguintes enlaces e disfrutarás vendo como vivimos o Nadal na Ponte Carreira.

Belén e adornos dos corredores.

Postais de Nadal.

Programa do festival do día 19 de decembro.

Fotos do festival (actuacións e recepción das SS.MM. Os Reis Magos de Oriente).

BO NADAL E FELIZ ANO 2009

A cultura que facemos, escóllea no nadal

Este nadal agasalla productos culturais galegos!
O Equipo de Normalización, en colaboración co Equipo de Biblioteca elaborou un tríptico baixo o lema O NADAL TAMÉN ESTÁ NOS LIBROS... Bótalle un ollo! e apúntate a agasallar na nosa lingua.

CORRELINGUA

Un ano máis, os alumnos do CPI Ponte Carreira son partícipes no Correlingua. Nesta ocasión os grupos participantes son:

Educación Infantil 5 anos.
1º de Educación Primaria.
3º de Educación Primaria.
4º de Educación Primaria.
4º de Educación Secundaria Obrigatoria.

En breve poderedes ver os traballos presentados.